Orang Kurang

 

katong ini orang kurang
biar busu-busu makan nasi deng garam
jang bikin hidup tambah suram
lalu lupa orang tatua pung pasang

potong di kuku rasa di daging
filosofi yang bikin kuat katong orang saudara kaya gajah pung gading
biar batahang hidup deng hasil kabong batamang hasil jaring
tapi selalu punya target biar bajalang ulang-aling

sagu, enbal deng papeda
akang masih sadap maso di dada
ini samua titipan dari orang tatua dari dolo kala sampe oras sakarang ada
jadi jang bikin diri macam orang berada

mari bersaing secara sehat
bajalang deng orang tua pung nasehat
barenti hidup deng tipu muslihat
parcaya nama akan dikenang walaupun katong sudah di akhirat