Ada Damai di Maluku

Dolo Salam sarane pernah baku senggol

Tapi Pela Gandong jadi simbol

Masyarakat samua akhirnya baku skongkol

Supaya Maluku Damai itu yang dong slalu kontrol

Adat yang kuat deng sakral

Negeri yang dari dolo paleng viral

Katong Dilahirkan jadi anak Maluku itu seng pernah manyasal

Karna orang tatua ajarkan katong tentang Moral

Ada Damai di Maluku

Negeri yang pono susu deng madu 

Ada cengke, pala deng sagu

Bia,,lola mutiara tasimpan dalam dasar laut jadi satu

Mari blajar Damai di bumi Raja-raja

Tanah leluhur yang pung mental baja

Hidop ade deng kaka salalu bersahaja

Hubungan persaudaraan bagaikan gading gajah

Maluku pono deng Cinta

Dunia tau akang lewat berita

Sejarah Maluku seng bisa carita lewat tinta

Tapi musti katong bawa deng Kapata

Mari blajar Damai di Maluku

Negeri bersejarah yang dunia tulis dalam buku

Alifuru itulah katong pung nama suku

Bangsa yang paling biji ruku

Jang lupa blajar Damai di Maluku

Tanah perjanjian moyang-moyang terdahulu

Masyarakat yang hidop pake prinsip malu

Jadi ajar katong par baku gandeng tangan selalu

By : Vigel Faubun,S.Pd