Maluku Bagaikan Anak Tiri

Labe bae mati badiri

Dari pada dipaksa berlutut di tana sandiri

Sekalipun katong di puji kaya bidadari

Percuma kalo seng tau jati diri

Ini tana merdeka dari puluhan tahun lalu

Ana negeri su seng tau malu

Ina Ama manangis pilu

Ana adat bikin aksi mongo-mongo talalu

Dalam otak cuma baku malawang

Seng bisa kasi barsi jalan deng kalewang

Hilang roh para pawang

Samua bikin diri jadi pahlawan

Su dengar di ujung negeri tahuri babunyi

Ana adat ada asik maeng enggo basambunyi

Basuara tapi rasa sunyi

Seng tau sapa yang mau tongka balakang kombali

Ikan makan ikan su talalu malakat

Satu deng yang laeng kantara ada sekat

Bicara pukul tinggi bagaikan malaikat

Tapi seng bisa angka martabat masyarakat

Biar ada saribu organisasi

bataria kepentingan yang su basi

Seng akan pernah katong dapa hak asasi

Kalo kolaborasi par jabatan deng kepeng yang jadi reputasi

Maka Percaya lama atau capat Maluku akan hilang reformasi 

Tertindas bagaikan anak tiri

Ana Adat seng mampu par badiri

Selalu di anggap sayap kiri

Karna kawang hati yang baduri-duri

Sampe kapan katong akan menderita kaya bagini,,?

Wahai kapitang-kapitang Maluku yang di segani

Buktikan kalo katong di kuasai roh pemberani

Dari Leluhur Maluku saribu nyali

Bangong dari tidur panjang

Ini saatnya Maluku Tabaos Lantang

Karna Maluku berjuang

Maka Maluku ada.

Basecamp Kalesang Maluku

09 Maret 2020

Vigel Faubun,S.Pd

Kapitan Aksi Kalesang Maluku.

#SaveMaluku

#BetaGenerasiBangsaAdatAlifuru

#BetaKalesangMaluku

#BetaKapitan