Pakian Kebesaran

beta mahina deng manawa Adat

yang sangat kental adat

yang percaya leluhur pung mandat

dengan budaya yang terisi padat

beta bangga pake kain tenun

seng bisa taganti deng gaun

ini bukan terbuat dari kain katun

ini tradisi yang turun temurun

Beta bangga pake cidaku

Dalam diri seng pernah panaku

Ganti calana yang banya saku

Karna ini samua pakian kebesaran suku

Yang tercatat dalam buku

biar zaman berganti zaman

dunia moderen pung kecaman

tapi ini yang leluhur titipkan

untuk generasi pertahankan

seng perlu par malu

ini pakian kebesaran leluhur di masa lalu

akang bikin nyaman saat pakai

pasti kelihatan aduhai

karna sangat bernilai

bangga jadi anai Maluku

Dilahirkan dari rahim Alifuru

Seram,,Ambon.. lease.. banda.. kei.. tanimbar babar.. moa lakor.. kisar.. tepa bahkan bale k buru

Bukan bangsa budak yang harus di suru-suru

Kaatong samua labe lincah dari peluru

Mari pertahankan titipan leluhur

Jang cuma bicara macam ale ada kumur-kumur

Awas moyang datang ramas supaya capat maso kubur

Jadi tunjukan par dunia kalo Maluku skarang ada bermazmur

By : Vigel Faubun,S.Pd