Kalesang Sampah

 Larang baku larang

Tapi tetap saja malawang

Dari gunung sampe di pante batukarang

Katong pung perbuatan bisa jadi bomerang

Bikin di pante.. di gunung pung ulah

Digunung sanang tapi di dataran dapa katula

Seng bisa tuduh akang pung asal mula

Mari katong cari solusi sebagai akang pung formula

Pemerintah su berjuang masyarakat keras kepala

Masyarakat bikin aksi pemerintah mangente dari jendela

Jadi barenti baku kasi salah

Karna baku tuduh jua seng ada menang deng kalah

Kalong seng sadar diri

Nanti bencana datang bikin katong lupa diri

Barenti cari untung sandiri

Lalu mare kalesang Negeri dari gunung sampe di pante

Supaya sampah jang dapa macam ada bikin rute

Mari katong kalesang sampah

Buang kotoran jang di got, alor/kali/sungai tapi di akang pung tampa

Awas jang sampe banjir akang nai menyapa

Maka katong bacakar lari cari tampa

By : Vigel Faubun,S.Pd