Jang Kasi Salah

Ini salah sapa,,

ini sapa pu dosa,,

sapa yang mau menderita,,

Sapa yang mau tanggung,,

Hidup deng beribu kekayaan,,

Punya samua kelebihan,,

Badiri di atas tana merdeka,,

Tapi yang tertindas cuma rakyat jelata,,

Ini salah sapa,,

ini sapa pu dosa,,

sapa yang mau menderita,,

Sapa yang mau tanggung,,

Memang Maluku Hebat,,

Maluku luar biasa,,

Maluku di segani,,

sangat istimewa,,

Tapi kanapa,, kanapa musti ancor

Kanapa musti katong yang rasa,,

Kanapa katong harus menderita,,

Kanapa musti katong

Ini salah sapa,,

ini sapa pu dosa,,

sapa yang mau menderita,,

Sapa yang mau tanggung,,

Rakyat berjuang,, raja yang pu nama,,

Prestasi di persembahkan,,

Hinaan yang di berikan,,

Rakyat menangis,, raja bersuka,,

Ini kah yang orang bilang,,

Potong di kuku rasa di daging,,

Ini salah sapa,,

ini sapa pu dosa,,

sapa yang mau menderita,,

Sapa yang mau tanggung,,

Sampe kapan mau main enggo lari,,

Lalu selalu lari basambunyi,,

Apa musti katong baku cari,,

Sampe musti lia bukti,,

Ini salah sapa,,

ini sapa pu dosa,,

sapa yang mau menderita,,

Sapa yang mau tanggung,,

Bersenanglah di atas derita

Selagi maeng harga cengke pala

Tapi inga siri pinang deng Doa

Rakyat Jelata slalu persembahkan.

By : Vigel Faubun

Satu ketika bapa ibu akan rasakan,,

Basecamp Kalesang Maluku

Ambon, 12 Agustus 2019

Vigel Faubun (Kapitan Aksi).