Kasi Manyala Nyali

Jujur hati ini su mati rasa

Mati rasa deng moyang dong pun jasa

Jadi beta slalu musti tetap Asah

Supaya generasi yang akan datang dapa rasa

Mungkin orang taku bataria

Sampe ada yang bilang awas gila

Tapi kalo sampe tau norma deng sila

Ale pasti bahagia taria-ria

Dari gunung ka gunung

Kampung ka kampung

Beta siap tiop tahuri

Kasi panas generasi pung naluri

Darah jadi racong dalam badang

Kapitang badiri pegang salawaku deng kalewang

Ana cucu e stop baku malawang

Supaya Tuhan deng Leluhur tetap sayang

Bakar damar di batu pamali

Jang ganti rotan deng tali

Karna itu kasi bangkit nyali

Baku bantu kewang par patroli

By : Vigel Faubun

Foto by : Eddi Tuhumury (Chiket Fotografer).