Bukan karna sopi mayang
Bikin beta mabo sampe malayang
Tapi karna ale pu bagoyang
Bikin beta sampe tabayang-bayang
Ombak tanjung alang
Bikin kapal lari basilang
aer luda musti beta talang
Dengar ale hati dapa tilang
Tik tok lagi marak
Biar tinggal di barak
Corona bikin jarak
Tapi cinta seng bisa bakarat
Ini bukan kisah drakor
Jang balajar jadi pelakor
Seng perlu ale takor
Cinta seng pandang barsih ka kotor
Ale bukan dewi gita
Jadi Jang coba maeng cinta
Tatumbu deng beta
Ale bisa lari iko baminta-minta
Mari beta ajar main remy
Karna Hidop ini seni
Bukan saja soal money
Beta bisa bikin ale bersemi
Cinta itu soal rasa
Jujur beta barasa
Kalo ale sandiri saja
Beta ingin coba deng ale sama-sama
Kalo ale cari yang gagah
Beta seng bisa balaga
Hari-hari beta di talaga
Tapi Beta siap kasi cinta deng seluru raga
Ambon, 02 Mei 2020
Vigel Faubun
Komentar
Posting Komentar