Beta Pung Tulang Rusuk

Beta Pung Tulang Rusuk

Ternyata ale luar biasa

Ale lahir di bumi Raja-raja

labe indah dari pulau Dewata

Kalo beta jauh.. seng bisa tahan rindu didada

Saat tercipta

Ale seng terlihat di peta

Tapi ale selalu menjadi sengketa

Untuk semua dunia angka senjata

Ale tercipta dengan Rasa

Semua keindahan diberikan oleh Yang Maha Kuasa

Sehingga menggoda semua bangsa

Hai Beta Pung Tulang Rusuk

Ale hidup dalam Damai

Deng keindahan yang permai

Tapi semua hancur terbengkalai

Dari hutan sampe di pantai

Tradisi Adat yang paling Agung

Damar, siri dan pinang selalu melambung

Nyanyian kapata tua bersenandung

Terlahir dalam satu ikatan kandung

Bangga saat beta lahir

Dapa iring deng angin semilir

Seng abis beta berfikir

Di negeri inilah beta ada karna sudah tertulis dalam syair

Mari sama-sama jalan deng hati nurani

Percaya penyertaan Sang Ilahi

Mulai deng perjuangan yang suci

Minta berkat dan jauhkan dari hati yang iri dan dengki

Beta akan persembahkan diri ini

Par tanah yang sudah dapa janji

Mau berbakti

Demi Alifuru yang suci

Badiri mau slalu tabaos deng Kapata

Beta akan bertindak bukan cuma deng kata-kata

Tapi buktikan deng nyata

Kalo ada yang ganggu ale.. beta akan serang sampe rata

Sampe tanah tutup mata

By : Vigel Faubun,S.Pd