Beta Rindu

Lokasi Foto : Puncak Siwa, Siwang,

 Rindu itu cuma 1 kata

hanya ada lima huruf

tapi bisa bikin yang merindu itu kurus
sampe seng mampu berkata-kata

kalo rindu akang su melanda
macam malapetaka yang datang kaya penjajah belanda
kasi ancor negeri-negeri indah
bagaikan hati yang seng ada tampa

rindu bikin ruang kosong
biar hati ada pono deng asmara cinta
tapi orang bisa tambus dapa lia lolong-lolong
sampe takut par katong bataria minta tolong

beta akan blajar samua kisah
beta cuma bisa ambil hikmah
dari samua pengalaman yang beta lalui
biar rasa ini beta simpan sandiri, tapi pasti akang menghantui

tolong jang bikin hati ini terluka
kalo su kurung dalam ruang hati yang duka
beta cuma ingin tau alasan yang pasti
kanapa bikin bunga hati yang mekar ini akan mati

izinkan beta berbagi hati deng yang lain
bila itu pilihan dari hubungan yang terbaik
tapi untuk pindah hati ke orang lain
mungkin butuh waktu yang cukup lama tanpa ada alasan lain

apa mungkin beta terlambat baku kanal
apa mungkin beta terlambat untuk jatuh cinta
kalo memang beta bukan tercipta par ale
biar samua yang pernah terjadi antara katong dua
semoga saja satu waktu, cinta deng rindu ini akang seng jatuh di hati yang salah

by : Vigel Faubun,S.Pd