Mahina Maluku

pernah beta jatuh cinta deng nona jawa,,

saat itu bagi beta dong paling istimewa
cinta bikin beta hampir lupa jiwa
kalo beta bukan abang, mas, tapi beta ini manawa

dong putih mulus kaya isi sagu
kalo par laki-laki dari timur dong seng balagu
apa lai par manawa Maluku dong hati bisa terbelenggu
rasa-rasa seng bisa tidur kaya marsegu

dong pung sifat kaya padi
sayangnya dong banya hidup dalam komedi
tapi Mahina Maluku itu dong pung cantik Alami
nona-nona jawa seng bisa saingi

jang coba barmaeng cinta
apalai par samua Mahina
dong pung mulu kaya rampah
kalo dapa bakalai ale seakan-akan bisa rasa hampa

manis gula jawa seng sama manis gula saparua
biar cantik nona jawa seng sama manis maluku pung mahina jua
seng bisa deng lombo
tapi hati cantik kaya burung pombo

by : Vigel Faubun,S.Pd