KKM-C3M

 Datang dari berbagai penjuru di maluku

Beda suku, beda agama
Tapi cuma satu nama
yaitu Komunitas kalesang maluku

Bukang biking par sensasi
katong cuma mau kasih tunju aksi
Bukang par jadi Provokasi
Tapi ingin jadi inspirasi

Adat budaya sudah ada sejak dulu kala
cuma saja seng tahang di tengah masa
Karna ktong pung para penguasa
Cuma mau iko arus zaman saja
Lupa yang perna ada
Terlena dengan yang di depan mata
Lalu anana cucu ilang arah

Komunitas Kalesang Maluku
Badiri par tutur sejarah
Ada par kasih inga basudara
Beta maluku beta alifuru
Kaeng berang di kapala
Parang salawaku di tangan
Itu katong pu jiwa

Jiwa sang petarung
Jiwa para pejuang
Akang malakat didada
Jang topu dada
Su banya biking salah
Mari katong dudu adat
Sama-sama kalesang akang

Seng gampang par badiri
Apalai deng dunia sakarang
Banyak orang sok pintar
Anggap samua biasa saja

Samua perlu perjuangan
Samua perlu pengorbanan
Samua perlu dukungan
Layaknya para pejuang
Rebut maluku dari tangan para penjajah

Komunitas Kalesang Maluku
Sapuluh,sapuluh,sapuluh
Karna cinta adat budaya
Katong lahir, katong ada
Lahir par kasih kanal adat budaya
Lahir par tanamkan semangat pertahanan adat budaya
Lahir par kasih erat ikatan pela gandong
Lahir par hapus perbedaan
Lahir par kasih kombali titipan yang sudah mulai pudar

Salamat kajadiang Komunitas Kalesang Maluku
Duad Fangnanan it besa 😍😇

By. LiekePatty