Kalo Tau Nama Parang

parang deng salawaku bisa bersatu

tapi kasiang hidup balom menyatu

hidup tiap hari cuma par kasi baku jatuh

padahal samua asal dari Maluku

samua orang tau pegang parang

apa lai ale baku dapa generasi jaman sakarang

yang dong pung tabiat seng suka par dapa larang

akhirnya ujung-ujung baku malawang

kalo ale tau nama parang

beta pastikan muka yang culun pasti lia garang

bukan mau kasi tunju jahat

tapi realita Maluku yang kadang seng bisa tarima deng akal sehat

ini cara nyatakan sikap

mari mulai samua dari awal, dari merangkap

biar akang kelihatan seng lengkap

inyinya komitmen harus tetap

nama parang itu musti bataria

taru samua akal di salawaku

supaya musuh datang serang seng dapa lia

itu kaki tangan lombo bikin dong panaku

katong ini Maluku

Bangsa paleng biji ruku

barenti unju kuku

bagandeng tangan karna katong satu suku

jang kaget deng beta pu aksi

karna beta cuma mau menjadi saksi

semoga kedepan ada generasi yang siap bersaksi

Maluku itu bangsa potong kapala yang sadis

by : Vigel Faubun,S.Pd