Cinta di Kalapa Miring

Cinta itu macam genjatan senjata yang gagal

Tasalah sadiki bisa fatal

Awas jang sampe ale lupa Asal

Nanti laste dudu manyasal

Jang coba main cinta kalo ale tukang barakal

Ingatang orang tatua slalu kasi bakal

Hidop itu musti kaya sagu deng enbal

Kase kuat hati par bikin katong kabal

Maluku hidop pela gandong

Seng bisa buang sudara jantong

Tapi cinta bisa bikin tagantong

Bale kiri tatumbu pela bale kanan tatumbu gandong

Sioooo Huhate bae tuang hati jantong

Katong ini memang kalabor

Tapi slalu dengar orang tagor

Cinta bisa bikin bae tapi kadang bisa bikin ancor

Akang pu saki labe saki katong turun ka pante inja batu bor

Sebelum kalapa kasi jatu sageru

Gandaria dapa gigi dari marsegu

Beta mau bilang jang perna ale ragu

Beta pu cinta cuma satu

Hati yang laeng seng bisa ganggu

Biking indah sudut pante wab Nguvar

Ini carita cinta di tanah basar

Bukan bicara yang hambar

Tapi samua perjuangan musti sabar

Kaya papeda akang rata diatas piring

Beta pu hati seng taero, seng serong miring

Biar jauh sampe mana, angin tiop ombak babanting

Ale jua tau kalo cinta ini akang jatuh di kalapa miring

Lokasi : Kalapa Miring, Wab Nguvar

22 Desember 2019

By : Vigel Faubun,S.Pd