Cinta Beda Agama

cinta beda agama

ini bukan sebuah karma

yang saat ini beta rasa mulai bajalang seirama

sehingga beta bawa dalam rima

beta siap kasi salam

seng pandang siang deng malam

dengan percaya diri beta bilang syalom

beta yakin ale balas deng asalam walaikum

dalam doa beta selalu bacarita

carita indah deng sang pencipta

semoga ale capat dengar barita

kalo beta memang su jatuh cinta

beta tau ini tantangan

par cinta ale itu memang sebuah halangan

tapi jujur beta siap lawan

asal ale tarima beta pung perasaan

ale pung wajah slalu tabayang

bikin seng dapa sono sampe tiap hari rasa malayang

macam beta ada minum sopi mayang

tagal cinta bikin beta mabo kepayang

ini isi hati yang seng bisa beta ungkapkan

semoga ale tarima beta supaya bikin hati ini menyenangkan

karna di muka ale beta hilang akal

sampe lia beta muka barakal

jujur beta beruntung kanal ale

ingin hati ini par tiap hari mau kele

tapi kanapa di samping ale beta rasa melele

seng bisa carewet macam mama-mama yang papalele

ini isi hati yang tulus

semoga jang akang pupus

beta berdoa par jalan ini mulus

dapa ale yang bagi beta mutiara hati

haleluya deng bismilah

beda versi tapi sama arti

sama-sama paling berarti

maka cinta beda agama akan selalu di hati

sampe waktu yang ika cinta sejati

biar katong dua bega agama

asal jang katong dua beda cinta

karna berbeda itu pasti menyatukan

maka beta tunggu di pelaminan

by : Vigel Faubun,S.Pd