Cidaku

Ini cidaku

Dolo seng ada calana deng baju

Tapi kalo ale setuju

Mari pake akang stop maraju

Ini pakian para moyang

Suka dudu deng sopi mayang

Dudu bikin lingkaran kaya loyang

Batahan lama pikiran melayang

Kalo pake akang jang malu-malu

Jadi stop dudu bamulu

Jang bikin par jadi benalu

Awas moyang rasa hati pilu

Katong musti bangga

Lestarikan deng seluruh raga

Karna kalo pake akang pasti lia gaga

Akang talalu mahal sampe seng ada harga

Ini pakian paleng langka

Di dunia modern seng terhitung deng angka

Jang jadi ana cucu yang durhaka

Mau coba hina nanti ale cilaka

Ini cidaku akang pung di dalam cawat

Leluhur minta katong par rawat

Karna generasi su mulai lupa

Dong rasa macam nestapa

Jang ale malu par pake

Barenti hidop abuleke

Musti bangga karna ini kebesaran

Kebesaran leluhur pung pakian

Mari katong lestarikan

Mari katong budayakan

Kalo pake pasti rasa keenakan

Jadi jang ada niat par mau melenyapkan

Pakian dolo-dolo para moyang

Jiku Kintal, 01 Agustus 2020

by : Vigel Faubun,S.Pd