Kunang-kunang Malam

Kunang-kunang malam

dolo ale di cari bangsa eropa

sejarah leluhur yang terkenal deng kiming kalapa

Ale bukan saja bacarita jagoan bertapa

Ale lahirkan bangsa petarung yang saat ini ganti kapala deng kalapa

kunang-kunang malam

Ale pung indah saat tabungkus dalam malam

Ale miliki segudang histori kelam

kini Ale seakan-akan tenggelam

Ale yang dulunya pusat kolonial balanda

bacampor saribu satu macam suku bangsa

hidup tagabung deng canda tawa

Ale lahirkan ribuan seniman jalanan bercampur dalam satu nada

Kunang-kunang malam

Semoga tetap manyala di dalam galap

supaya di sekeliling terlihat gemerlap

Tapi seng pernah kelihatan sunyi senyap

Kunang-kunang malam

Semoga tetap manyala kasi terang alam

Jang pernah berniat kasi indah lampu jalan

Nanti Ale bisa hilang akang pung keindahan

Kunang-kunang malam

Ale macam Negara Hongkong

Tapi kadang Ale jiwa talalu sombong

Karna talalu indah deng mempesona

Bikin dunia terpesona

Tetaplah jadi kunang-kunang malam yang indah

Pohon cengkeh deng pala akang Lia paleng megah

cahaya yang terang itu karna ale bersatu

Maka percaya ana cucu pasti bersatu

Barenti ikan makan ikan

Supaya bikin Ale PU makna labe manyala

Manyala di ana cucu pung diri

Sampe dong kombali sadar akan jati diri

Ya Ale,, kunang-kunang malam

Kunang-kunang indah yang Beta sayang

kota Ambon Manise...

By : Vigel Faubun,S.Pd