Beta Rasa Tuhan Cemburu

 beta rasa Tuhan Cemburu

sampe ambil salah satu manawa Alifuru
jujur hati ini rasa garu-garu
sampe ingin berseru
karna telah kehilangan sosok hebat yang telah menjadi guru

sosok yang sangat inspiratif
banyak miliki strategi alternatif
dengan konsep-konsep yang edukatif
sehingga orang sekitar kelihatan aktif

beta rasa Tuhan Cemburu
selalu ambil orang-orang pono kasih
sampe ambil Sosok Suami, Ayah, Saudara bahkan Inspirasi dari katong pung sisih
Tuhan apakah katong ini ada berselisih,,?
atau Tuhan ada pilih kasih,,?
sampe katong harus selalu bersedih,,?

beta rasa Tuhan Cemburu
antua sangat cemburu
sampe ambil katong pung guru
karna Tuhan mau ajar katong hanya ada satu Mahaguru
yaitu Yesus Kristus sang Pembaharu

tapi Beta tau Tuhan itu Adil
akan gantikan derita dengan suka cita
untuk katong slalu berseru hanya par Tuhan.

Ama Guru, jujur Hati Paleng saki
dengar berita Ama su pigi
talalu banya konsep yang katong su rancang
demi dan untuk Maluku kembali jaya

masih banya agenda yang tatunda
janji par katong mau bikin aksi yang beda
tapi hari ini ada kata-kata tanpa nada
yang katong naikan par Upu Yesus Sang Maha Kuasa

Talalu banya Impian
Talalu banya kenangan
tapi sakarang samua tinggal carita
cerita-cerita indah dibalut karya yang tinggal
akan dilanjutkan oleh generasi yang akan datang

lewat Lagu dan Puisi ini
katong lepaskan Ama serta semua kenangan
biarlah Ama tenang di alam sana

dan lewat bunga ini katong lepaskan Ama
menjadi bagian dari Pembina Komunitas Kalesang Maluku
namun semua yang pernah ada
akan tasimpan dalam lubuk hati yang paling dalam.

slamat jalan Ama
slamat jalan Guru
slamat jalan manawa Alifuru
slamat jalan Manawa Maluku
slamat jalan Pahlawan tanpa tanda jasa
Karya-karya mu akan abadi selamanya,,
Tidurlah dalam keabadian.

by : Vigel Faubun