Beta Enbal O

Beta pu cinta kaya enbal

Akang tarika deng hukum larvul ngabal
Yang selalu di percaya paleng sakral
Dari generasi lalu sampe generasi milenial

Kaya ngurtavur,, Putih, halus deng mempesona
Itu samua beta bisa kasi par ale nona
Asal mau percaya jang dengar orang pung kata
Kalo ale tarima beta pu cinta apa adanya

Beta akan ajak ale jalan-jalan
Asal ale mampu ukur paser panjang
di situ ale akan tau beta pu cinta paleng panjang
Seng mampu ukur oleh meteran jalan

Di tampa karamat yang katong bilang Woma
Beta akan siap ikat katong pu cinta
Supaya ale harus parcaya
Karna Beta siap masu minta

Jujur beta seng pernah dapa tidor sono
Karna slalu tunggu ale deng cinta pono
Beta ingin selamanya ale beta polo
Kasi ilang luka yang dolo-dolo

Beta akan Maso minta ale dengan kebesaran Adat
Dihiasi emas kei yang padat
Yang selalu terikat dan selamanya terikat
Di bumi dan di akhirat

Ini beta pu mimpi supaya ale tau nona
Ale seng akan manyasal hidop deng beta
Beta jamin akan bikin ale bahagia
Di tanah kei yang beta cinta

Parcaya itu nona
Beta ini laki-laki bae dari Tanah Kei
Seng sabarang beta ambor cinta
Cuma par ale nona itu beta janji

Beta yakin ale pasti akang tabayang
Dalam setiap ale pu ingatan
Karna Bisa saja bikin ale lupa daratan
Cuma mau ada dalam beta pu dekapan

Inga itu nona
Jang ale ragu par beta
Karna ale pasti bahagia
Kalo mau jadi pendamping hidop selamanya

by : Vigel Faubun,S.Pd