Benteng Belgica

Carita seng bisa kasi ilang sejarah

Jadi bagian penting perebutan dunia

Yang di incar hampir seantero negara

Selalu teringat sampai di dada

Ini bukan titipan biasa

Samua yang terjadi su melegenda

Masi tasimpan dalam arsip Negara

Tanah di ujung nusantara yang kaya raya

Negeri Cengkeh deng pala

Gunung api yang membara

Tampa carita bung Hatta

Di jaman Penjajahan Balanda

Tampa peninggalan jadi bukti sejarah

Tragedi perjuangan yang jadi korban nyawa

Biar musti deng tumpa dara

Demi pertahankan negeri tercinta

Penindasan bataong-taong yang merana

Cuma karna ada cengkeh deng pala

Lautan pono cakalang deng bobara

Taciong sampe di seantero samudra

Bambu runcing, parang, deng pana

Jadi alat par berjuang sama-sama

Biar deng senjata seadanya

Tapi semangat perjuangan seng perna pata

Lautan biru brubah jadi pono dara

Perang antara penjajah lawan penjajah

Par mau kuasai pulau Banda

Jadikan budak rakyat jelata

Semoga sejarah yang indah

Bukan par bunga tidur bagi pemuda

Harus katong pertahankan selamanya

Bahkan titipan baik tertulis, bangunan maupun benda,,

Dapa kasi kembali api yang slalu manyala

Sampai tanah tutu mata.

By : Vigel Faubun,S.Pd