hati ancor panggal
rasa ilang samua akal
dengar kabar kaka meninggal
seng mampu berdoa untuk Sang Tritunggal
talalu banya konsep
kaka datang ajar katong deng saribu resep
ya resep di baur konsep yang luar biasa
demi dan untuk Adat dan Budaya Maluku kembali jaya
talalu saki kaka ee
dengar berita pagi ini
seng percaya kaka su pigi
seng bale par selamanya eee
masih banya agenda yang tatunda
janji mau sama-sama bikin aksi yang beda
tapi hari ini ada kata-kata yang tanpa nada
yang katong naikan par Upu Latu Yesus yang Maha Kuasa
talalu banya kenangan
talalu banya impian
kini samua tinggal cerita
cerita-cerita indah dibalut karya yang tertinggal
yang akan dilanjutkan oleh generasi yang akan datang
salamat jalan kaka hati
slamat jalan Pembina Komunitas Kalesang Maluku
Slamat jalan Motivator
Slamat jalan Ama 😭
karya mu akan selalu dikenang selamanya.
sampe baku dapa di Yerusalem yang Baru
keluarga yang di tinggalkan di beri Kekuatan dan Penghiburan
R.I.P Ama Alfred Tibalilatu
Pembina Komunitas Kalesang Maluku,, Guru SMA 1 Masohi,, Mantan Juara Bintang Radio tahun 90an,,
Mewakili Pribadi dan Keluarga Besar Komunitas Kalesang Maluku Berduka atas Kepergian #Senior,, #Guru dan Sekaligus #Pembina Terbaik.
Tuhan Menyambutmu di Surga.
#KKMBerduka 😭😭😭😭😭😭😭
Komentar
Posting Komentar